Posted in IRAGARKIAK, tagged Ana Petralanda, edu perez de anuzita, Euskal Presoak, euskal presoak euskal herrira, herrigintza, herrira, iñaki bilbao, Igorre, igorreko jaiak, igorreko sanantonioak, presoak, tomas linaza on 2012/06/07 | Utzi erantzun bat »
Arratiako errepresaliatuak, Edu Perez de Anuzita igorreztarra, Iñaki Bilbao eta Tomas Linaza lemoaztarra eta Ana Petralanda dimoztarra gogoan eukingo doguz jaietan.
Zapatuan Zuerara martxa egongo da autobusez. Bertan dago Iñaki Bilbao, kartzelan 20 urte bete dauzen arratiarra.
Igorren ekitalditxoa egingo da zapatuan txosnetan, gauerdi inguruan, ohitura dan moduan.
Posted in ARRATIA NEWS, tagged Ana Petralanda, edu perez de anuzita, eskean, esne beltza, euskal presoak euskal herrira, iñaki bilbao, manifestazinoa zeanurin, preso politikoak, presoak, tomas linaza, zeanuri, zeanuriko jaiak on 2011/08/14 | Utzi erantzun bat »
Jaietan dago Zeanuri, Andramarietan. Bariku gauean presoen eskubideen aldeko ekimena burutu zan bertan, gauerdia pasata. Eskean-ek kontzertua amaitu eta Esne beltza-koak hasi bitartean manifestazinoa egin eben Zeanuriko kaleetan barrena. Amaieran, plaza betearen aurrean, oholtzara igon eta ohar laburra irakurri eben, presoen eskubideen alde indarrak biltzera eta honen alde burrukan egitera geitzean ebana, bidea egitera. Modu berezi batean oroitu ebezan eskualdeko errepresaliatuak, Edu Perez de Anuzita igorreztarra eta Iñaki Bilbao lemoaztarra (biak presoak), Ana Petralanda Dimako iheslaria eta Tomas Linaza Cabo Verden deportatutako lemoaztarra.
Ostean, saio berezia egin eben eskualdeko bertsolari bik, Guantanamenaren doinutan eta Xabi Solanoren soinuak lagunduta. “Presoak etxera” zan leloa. Hona hemen orduan botatakoak:
Jaia festa ta borroka
bakea askatasuna
gudaria da laguna
itzalpean ezin kontra
prozesu bat ate joka
esperantza, eskubide
bihar izateko libre
herri bat kartzeleratu
ezin gaitue zanpatu
geu garealako bide
Euskal Herritik kanpora
ehundaka preso oraindik
dagozan kartzeletatik
ekarriz gure ondora
altxatu buruak gora
ta indarrak atara
lurrazpitik beharbada
herritarrak askatzeko
ametsak egi bihurtzeko
geu be saiatuko gara
Ostean, errepresaliatuen aldeko mezuek gauean zehar be eukin eban lekua . Gaueko protagonistek bota eben moduan, “Askatasun ohi bat da, bozgorailuetatik…”
Posted in ARRATIA NEWS, tagged Ana Petralanda, Arratia, deportatuak. euskal preso politikoak, edu perez de anuzita, egin dezagun bidea, Euskal Presoak, euskal presoak euskal herrira, gorbeia, iñaki bilbao, Igorre, iheslariak, presoak, saninazio, tomas linaza on 2011/07/31 | Utzi erantzun bat »
Abuztuko “urteera operazinoagaz” batera, euskal preso eta iheslarien eskubideen aldeko ekimena burutu eban Egin dezagun bidea ekimenak atzo, Euskal Herri osoan zehar.
Hamarnaka arratiarrek erantzun eben deialdia eta Pagomakurretik hasita, Gorbeiako kurutzera igon eben, ikurriña eta banderolakaz lagunduta.
Tontorrean, argazkia, orri-informatiboen banaketa eta ekitaldi laburra, errepresaliatuek bizi daben egoeraren barri emon eta eskualdeko preso eta iheslariak oroitu zirean (Iñaki Bilbao, Edu Perez de Anuzita, Ana Petralanda eta Tomas Linaza). Bertsoak be bere lekutxoa eukin eban, eguzkipean.
Igiriñautik Saninazio
Lekandapean Arraba
bihotz barruak elkarbanatu
doazela lau haizetara
askatasuna herrian poza
gozatzearen islada
kartzeletako gudarientzat
bidea egina bada
barrua eta kanpoa biak
laster elkartuko gara.
Jaisterakoan, txitxiburduntzia egin eben Larrederren.
Posted in ARRATIA NEWS, tagged abenduak 31, abenduaren 31, amnistia, Ana Petralanda, Arratia, edu perez de anuzita, etxera, Etxerat, Euskal Presoak, euskal presoak euskal herrira, iñaki bilbao, manifestazioa, presoak etxera, tomas linaza on 2010/12/28 | Utzi erantzun bat »
ETXERATek manifestazinoa antolatu dau urteko azkenengo barikurako (abenduaren 31). Manifestazinoa Igorren izango da, 18:30etan Udaletxetik hasita.
Eskualdeko alkate, zinegotzi eta eragileei gutunak bidaltzen dabiz egunotan, deialdian parte hartzera gonbidatuz. Bertan, eskualdeko errepresaliatuan barri be emoten dabe. Edu Perez de Anuzita Valentzian preso, Iñaki Bilbao lemoaztarra Zaragozan, Tomas Linaza Cabo Verden deportatua eta Ana Petralanda Lapurdin.
Bestalde, pasa dan zapatuan Presoen aldeko enkantea burutu zan Dimako Jentilzubin, sano parte-hartze handiagaz eta giro onean. 
Posted in ARRATIA NEWS, tagged Ana Petralanda, Anjel Aldana, Arratia, epaiketa, Garazi Aldana, iheslariak, presoak on 2009/11/13 | Utzi erantzun bat »
Ohar hau heldu jaku:
Astelehenean hasiko da Garazi Aldanaren kontrako epaiketa Parisen
Aldana Ana Petralanda iheslari dimoztarraren alaba da
Garazi Aldana eta beste zazpi herritarren kontrako epaiketa azaroaren 16an hasiko da Parisen. Ana Petralanda dimoztarra eta Anjel Aldana gorozikarraren alaba da Ziburun jaiotako 28 urtetako gaztea. 2003ko abenduaren 4an atxilotu zuten Mont-de-Marsanen.
Urtebete egon zen preso frantses estatuko kartzela ezberdinetan; Fresnes, Nantes eta Versallesen hain zuzen ere. Baldintzapeko askatasunean askatu zuten, baina Pirineo Atlantikoetako departamentutik ateratzeko debekuarekin eta poliziaren komisaldegian aldian behin sinatzeko beharrarekin.
Zortzi euskal herritarren kontrako epaiketak hamabost egun iraungo ditu baina ez dakigu
Garazik noiz deklaratu beharko duen. Senide eta lagunak epaiketara hurbilduko gara eta
berarekin egoten ahalegindu.
Arratian, 2009ko azaroaren 12an
Ana Petralandaren senide eta lagunak
IGORREKO UDALA EZKER ABERTZALEA LAURA MINTEGIREN BLOGA
