Posted in BUZOIAN AURKITUA, tagged Arratia, greba orokorra, Igorre, maiatzak 30 on 2013/05/23 | Utzi erantzun bat »
Maiatzaren 24an, 18.00etan : Kotxe karabana Urbietako (igorreko futbol zelaiko) parkinetik hasita
Maiatzaren 29an, 18.00etan : Kotxe karabana Urbietako (igorreko futbol zelaiko) parkinetik hasita
Maiatzak 30, GREBA OROKORRA
9.00etan, Pikete Informatiboa Arratian zehar, Urbietako parkinetik hasita
18.30 ean manifestazioa Igorreko Udaletxetik hasita
Posted in BEHARRERAKO BIDEAN, tagged Arratia, eskola txiki gelditu jaku, guraso elkartea, iñigo uriarte, Igorre, Igorreko eskola, igorreko guraso elkartea, igorreko pnv, inazio zubizarreta, Inazio Zubizarretako Guraso Elkartea on 2013/05/22 | Erantzun 1 »
Gaur, beharrerako bidean Igorreko eskolaren auzia euki dot gogoan, eta, batzuen eta besteen jarreren inguruan etorri naz hausnartzen; batzuk egiten daben behar boluntario eta zintzoa eta besteek egindako oportunismo nazkagarria. Atzo oharra argitaratu eban Inazio Zubizarretako Guraso Elkarteak, eta, bertan, agerian utzi dabe PNVko hainbat hautetsik zabaldutako autobonbo kanpaina tamalgarria, are gehiago, Igorreko umeak direnean autopropagandaren objetua.
Idazki horretan azaltzen dabe zelan hasi ziren beharrean Hezkuntza Sailaren aurrean. Otsailaren 21ean jakin eben Guraso Elkartekoek matrikulazioagaz arazoak egongo zirela, eta jarraian hasi ziren auzia aztertzen: 10 ume matrikulatik kanpo gelditu ziren. Martxoaren 5ean, Hezkuntza sailera joan ziren eskolako Ikasketa Burua, Igorreko Alkatea Beiñat Anzola eta Guraso Elkarteko partaide bi; aurrean Bizkaiko delegatua A. Ferri, Sailburuordea A. Aurrekoetxea eta zentrutako zuzendaria J. Fernandez, hirurak Urkulluren alderdikoak.
Jelkide burutsuen proposamena honako hau izan zan: Arantzazuko umeak Arteara bidaltzea. Horregaz arazoa ez da konpontzen, gutxi barru Igorrekoentzat be ez da tokirik egongo; Arteara bidaliko dabez Igorreztarrak be? Eskolako OGGk txosten bat egin eban orduan, eta Guraso elkarteak Udalak aurkeztutako proiektu baten aldeko sinadura bilketa egin eban.
Maiatzaren 6an Hekuntza Sailaren teknikari batek, Inazio Zubizarretan obrarik aurreikusita ez dagola esaten dautso eskolako zuzendariari; maiatzaren 10ean bilera beste bilera bat eskatu eben Guraso Elkartekoek auzia aztertzen jarraitzeko.
Maiatzaren 11an hasi zan PNVren kanpaina: antza, bilera bat burutu eben Arteako Alkateak, Arantzazuko Alkatea Andere Guzti ahaldunak –hobeto eskolagaitik Arantzazuko udalak deko zorra ordainduko balu-, eta tatatatxaaaannn, Iñigo Uriarte Igorreko zinegotzi jelkideak, konpartsa moduan, pertsona “inportaeekaz”; aurrean –parkatu, ondoan- Hezkuntza sailaren hainbat “alderdikide”. Dana “konpondu” ei eben partidukoek. Eta zer da ba dana, ba hori, bapez. Arantzazuko umeak Igorren geldituko direla datorren urtean –kontu hori aurretik egon zan argituta-; kontua da, hurrego urteotarako arazoa larriagotu egingo dala, eta gaia serioz hartu behar dala, eta ez norberaren burua goraipatzen ibiltzeko. Halanda be, horretan dabizen bitartean behintzat, ez dabez diru publikoagaz puroak erosten ibiliko…gaitzerdi.
Gauza serioekaz jarraituta, ekainean batuko dira, ostera be, arazoa konpontzen saiatzen dabizenak hezkuntza saileko PNVko ordezkariekaz, eskolako handitze beharrak aztertzeko. Sorte guztia opa deutsiet Igorreko eta Arantzazuko umeek merezi dabelako; beste inkonpente oportunista horien jarrera maltzurrek ez deiezan gogoa kendu, ederto egiten dabiz-ta.
Posted in BUZOIAN AURKITUA, tagged Arratia, BILDU, Bilduigorre, ehbildu, Igorre on 2013/05/22 | Utzi erantzun bat »
Posted in ARRATIA NEWS, tagged #M18 plazara, Arratia, herrira, Igorre on 2013/05/19 | Utzi erantzun bat »
10:00etarako egoan hasiera iragarrita. Bi zutabe, bata Zeanuritik, bestea Bediatik, oinez, Igorren alkartu eta Dimaraino jarraituko ebenak. Holan erantzun jakon Arratian Herrira-ren deiari, Giza eskubideak, konponbidea, bakea. Euskal presoak Euskal Herrira. Eguna Dimako frontoi txikian egindako ekitaldiagaz borobildu zan.
Areatzan
Artean hamaiketako gozoa eukin eben martxako parte-hartzaileek.
Arantzazuko plazan jente gehiago egoan itxaroten.
Martxaren bigarren zutabea, Bediatik urten eta Lemoatik pasatuta, Igorrera abiatu zan.
Igorren alkartu zirean bi zutabeak, Zeanuritik etozenak eta Bediatik etozenak.
Eta amaiera, Diman. Trikitilariak, gazteak Ondarruko herri harresikoei Iheskide-ren kanta bat eskainiz, David kitarragaz “Nire aitaren etxea” astintzen, Iñaki Iturriotzen bertsoa danon artean kantatuta, Herrira denda, Arratiako herri desbardinetako kideek osatutako mosaikoa, Joseba Sarrionandiaren “Lagun presoei gutuna”, Ana Petralanda iheslari dimoztarraen gutuna… Jende asko, giro ona eta presoen eta iheslarien alde martxan jarraitzeko konpromisoa.
Posted in Uncategorized, tagged alfus, Arratia, enplegua, greba mugagabea, kaleratzeak on 2013/05/16 | Utzi erantzun bat »
LAB sindikatuaren webgunetik hartu dogu barria:
Maiatzaren 14a, goizeko 11etan, Enpresa batzordeko bi kide, LABeko bat eta ELAko bat, Bediako lan zentroko bulegoetan sartu ziren eta bertan itxialdia hastea erabaki zuten. Bigarren gaua pasa eta gero, bertan dira oraindik. Bi langile hauek ekimen baketsu honekin Enpresako Zuzendaritzak egindako 16 kaleratzeen kontrako erantzun zuzena izatea bilatzen du.
Enpresak 2012ko ekainean hitzarmena sinatzeko hartu zuen konpromisoa betearazteko asmoz 45 egun daramatzate langileek greban, horietako 17 greba mugagabean.
Enpresak azken 10 hilabeteotan negoziatzeri uko egin dio, eta orain, Madrilen onartutako lan erreforma baliatuz 16 kaleratze inposatu nahi ditu. Horrela, bere errentagarritasuna langileon lanpostuen kontura handitu nahi du. Langile guztien “bizi proiektu guztiak jokoan daude eta tinko defendatuko” dituztela adierazi dute enpresa komitetik. Defentsa honetan oinarritu dute itxialdiaren ekimena.
Itxialdian diren bi langileen asmoa enpresak kaleratzeak erretiratzea eta Enpresa Batzordearekin gatazka hau konpontzeko hitz egiteko prest agertu arte enpresa barruan mantentzea da. Orain arte enpresaren zuzendaritzak ez du akordioetara heltzeko asmorik erakutsi. Erenegun bertan, ALFUSeko gerenteak FCC AMBITOko segurtasun arduradunak lan zentrurako sarbidea debekatzea eta itxialdian dauden langileei janaririk heltzen ez uzteko agindua eman ziola jakinarazi zuen.
Hala ere, enpresa komiteak zuzendaritzarekin elkarrizketarako borondatea berrestsi zuten atzo prentsaurrekoan eta ALFUS FCC AMBITOko Zuzendaritzari akordioaren bideari ekin diezaion dei egin zion.
Posted in BUZOIAN AURKITUA, tagged #M18Plazara, Arratia, Euskal Presoak, herrira, Igorre, presoak on 2013/05/13 | Utzi erantzun bat »
“Giza eskubideak, irtenbidea, bakea. Euskal presoak Euskal Herrira”. Horixe da ekimenaren lema.
Datorren zapaturako herrietan plazak betetzeko deia egin dau Herrira-k. Arratian, martxa bat egingo da, herriz herri, oinez. Bi zutabe eukingo dauz, bata Zeanurin hasiko da eta bestea Bedian. Martxa pasatu ahala, herri bakotxean ekimen ezbardinak burutuko dira. Igorren alkartu eta Dimaraino batera joango dira, han ekitaldi bategaz amaituteko.
Posted in ARRATIA NEWS, tagged Arratia, gazteak, gazteria, Igorre, maiatzak 1, maiatzaren lehena on 2013/05/01 | Utzi erantzun bat »
Zorroztarrien topatu dogu bideoa. Gaurko LABen martxa eta ekitaldiaren laburpena. Langileria burrukan!
Posted in ARRATIA NEWS, tagged Arratia, Igorre, Igorreko eskola, izazio zubizarreta on 2013/04/30 | Utzi erantzun bat »
Igorreko eskola txiki gelditu da, eta sartu beharreko ikasle danak ez dira bertan sartzen. Datorren urteari begira, hainbat ikasle beste herriren bateko eskolara bidali gura ebezan Hezkuntza Sailekoek; baina, Inazio Zubizarretako irakesleek, Guraso elkarteak eta Igorreko Udalaren elkarlanari esker lortu da datorren urteko arazoa konpontzea.
Dana dan, hurrengoko urteotan, arazoa larriagotu egingo da; argi dago eskola handitu egin behar dala. Helburu horregaz dabiz guraso elkartekoak sinadura biltzen. Hor egoten dira eskola irteeran euren jaima eta guztiz. Ez dabe gure Igorreko umeak beste herriren bateko eskolara joan behar izatea.
Sinadura bilketa horregaz indarra egin gura dabe hezkuntza sailaren aurrean.
Posted in ARRATIA NEWS, tagged Arratia, Igorre, sortu, Sortu Igorre on 2013/04/26 | Utzi erantzun bat »
Gaur arrastiko 20:00etan, eta Herrirak presoen alde deitutako konzentrazioaren ostean aurkeztuko dabe Igorreko Sortu. Aurkezpen dinamikoa eta laburra izango da eta, bertan, behar koperatiboaren garrantzia irudikatuko dabe.
Igorreko Kontseiluak bidali deuskun oharraren arabera, hainbat igorreztar hartuko dabe parte ekitaldian eta aspertzeko aukerarik ez da egongo. Ekitaldia Kultur Etxeko plazan egitekoa da; baina, eguraldia gehiegi kaskartuko balitz, badaukie alternatiba antoaltzaileek.
Ekitaldiaren amaieran jateko eta edateko zeozer egongo da Sorturen sorrera behar bezala ospatzeko.
Posted in BUZOIAN AURKITUA, tagged Arratia, Igorre, Igorreko Udala, Igorreztarron Batzarra on 2013/04/25 | Utzi erantzun bat »
IGORREKO UDALA EZKER ABERTZALEA LAURA MINTEGIREN BLOGA
