Abenduko azken barikua, enkantea, manifestazinoa… Herrira Igorre eta Arratian

Aurreko egunetan hasi ziren (Olentzeroren ingurukoak) baina pasa dan asteburuan, presoen eskubideen aldeko ekimenen itzelezko “kontzentrazinoa” eukin dogu gurean. Barikuan iragarri moduan, presoen eskubideen aldeko ekimenak egon zirean pasa dan asteburuan. Barikuan, hileko azkenengo barikua zala eta, kontzentrazinoak Igorre eta Lemoan. Mobilizazinoaren ostean Igorreko Lasarte Aretoan proiektatutako pelikulak (“Barrura begiratzeko leihoak“) bat egiten eban gaiarekin, bost euskal zuzendariren filma bost preso politikoren inguruan.

Zapatuan izan zan Enkantearen eguna. Urte batzutan Diman burutu ostean, Igorrera bueltatu zan gabonetako klasiko hau. Opariak potenteak zirean, txalaparta, Arratiako Futboleko Neskak edo Arratiako Zekorrek itxitako kamiseta edo danetariko objektuak, telebista, umeentzako gurditxoa. Taberna beteagaz eta sano giro onean joan zan dana, aurkezle barri eta guzti. Egoera ekonomikoa ez da munduko onena eta nabaritu egin zan batutako diruan.

Domeka izan zan dimoztarren eguna. Jai parte-hartzaile eta jendetsua burutu eben frontoi txikian. 11:00etatik margotze-beharrak hasita, mural erraldoia burutu eben, gero frontoi ondoan ipinteko (ikus argazkia), herriko alkatearen diskurtsoa, Herrira-ko ordezkari baten interbentzinoa, kantak, preso gaixoei agurra, bertsoak eta jantzak, Tubiren erakustaldia galtzu-altzetan (12 jasoaldi egin ebazan) eta presoei bisitan joaten diren 40tik gora dimoztarrei aitortza.

Astelehena izan zan urteko azkenengo eguna, abenduaren 31a, eta Arratia mailako manifestazino jendetsua burutu zan Igorreko kaleetatik, txistuaren doinuan. Amaieran, Arratiako errepresaliatuek euren lekutxoa eukin eben amaierako ekitaldian. Eduardo Perez de Anuzita eta Iñaki Bilbao Lemoako presoak, Tomas Linaza deportatu lemoaztarrak eta Ana Petralanda iheslari dimoztarrak. Bertako produktuen otzararen zozketa ere burutu zan amaieran. 1.035 izan zan zenbaki sariduna.

Eta urte barriagaz, hau ez da amaitzen. Hileko lehenengo barikua dala-eta, kontzentrazinoa burutuko da bihar Diman, 19:00etan. Eta urtarrilaren 12an, herri mobilizazino orokorra Bilbon.

Lehenengo argazkiak Dimakoak dira, domekakoak eta azkena, Igorrekoa, astelehenekoa. Eskerrik asko argazkilariari bidaltzearren.

Read Full Post »

“Bizi osorako doktrina eten. Preso gaixoak herrira” pasau dan barikuan

Hileko azkenengo barikuan kontzentrazinoa burutu eban Herrira-k Igorren. Bertan, mosaiko antzerako irudi bat osatu eben bertaratutakoek, kalearen bi aldeetan jarrita, kareta eta guzti. Kontzentrazinoaren amaieran, jarraian dozuen agiria irakurri eben, Igorreko udalean presoen gaixoen inguruan gertatutakoa jasoten dauana:

Arrastion danori,

Urteak daroaguz azkenengo barikuetan euskal preso eta iheslari politikoen eskubideen alde kalera urtetan. Gaurko deialdiaren lema, argia da, “bizi osorako doktrina eten. Preso gaixoak herrira”. Asko gara hori defetzen dogunak eta aste honetan, preso gaixoen gaia Igorreko Udaletxera be heldu da. Bilduk mozinoa sartu eban eta pasau dan asteleheneko plenoan irakurri eta eztabaidatu zan. Holan esaten eban Bilduren mozinoak (laburtu egin dogu):

Josu Uribetxeberriaren baldintzapeko askatasunaren ostean, beste hamahiru dira gaixotasun larri eta sendaezinak dabezan presoak eta aipatutako argudio bardinak kontuan eukinda, kaleratu behar direanak. Hamahiru preso eta beraien senitartekoak zigor gehigarria dabiz sufritan. Preso honeri baldintzapeko askatasuna ukatuz, giza eskubideen oinarrizko zutabeak urratzen ari dira Madrilgo arduradun politikoak. Nazioarte zein estatu espainiarreko araudi, zuzenbidearen printzipio eta giza eskubideen aldeko aldarrikapenek, gaixotasun larri eta sendaezinak dabezan pertsona presoen eskubideak errespetatzeko beharra adierazten dabe. Gaixotasun larri eta sendaezinak dabezan pertsona horreek, beharrezkoa daben tratamendua eta zaintza medikua behar bezalako baldintzetan jasotzea, oinarrizko eskubidea dalarik.

 Hau guztia kontutan harturik, honako puntu honeek aurkezten doguz Osoko Udal Batzarrera, bertan eztabaidatuak eta onartuak izan daitezen:

1.-Udal honek, preso gaixoen egoera larriaren aurrean, bere kezka adierazten du. Era berean  indarrean dagoen legea beteaz eta herritarren gehiengoaren borondatearekin bat eginaz, urrats errealak emateko deia egiten dio Madrigo gobernuari.

Read Full Post »

Herrira Estrasburgon, bizi-osorako kartzela zigorraren kontra

Jarraian, Estrasburgon burututako ekimenen kronika:

 Herrirak hainbat bilkura burutu ditu azken egunotan Europako parlamentari ezberdinekin.

Asteazkenean Martina Anderson Sinn Féineko europarlamentariarekin elkartu ginen. Anderson, Ipar Irlandako preso ohia da, Ipar Irlandako Asanbladako kidea izan da.

Ostegunean Jose Luis Linazasoro European Free Alliance-eko idazkari nagusiarekin bilera egin genuen, baita Ana Miranda BNG alderdiko parlamentaria eta EFAko kidearekin ere. Talde horretan herri ezberdinetako parlamentariak biltzen dira: Eskozia, Catalunya, Korsica, Valonia, Gales… EFAko kideek biziarteko zigorraren inguruko kezka azaldu zuten, galdera parlamentario bat egiteko aukera planteatuz.

Ondoren, Tatiana Zdanoka Letoniako europarlamentarioarekin elkartu giñen Espainiar eta Frantziar estatuetako espetxeetan ematen diren muturreko egoeren inguruan hitz egin genuelarik . Catherine Greze frantziar estatuko parlamentarioarekin izandako bilkuran Ines del Rioren kasuaz hitzegin genuen, baita sakabanaketaren inguruan frantziar estatuak mantentzen duen jarreraz ere. Azkenik, Jordi Bacardit ERCko idazkariarekin batu gara.

Oso positibotzat jotzen ditugu egindako kontaktu hauek, horietatik dinamika berriak eta lan egiteko aukera ezberdinak planteatzen ari direlako Europa mailan.

Eguerdian Euskal Herritik joandako 77 lagunek elkarretaratzea egin dute Europako parlamentuaren aurrean, eta bertara hurbildu diren kazetarien aurrean deklarazioak egin dituzte Herrirako kideek. Bizi osorako espetxe zigorra kentzeko eskatzeaz gain eta espainiar nahiz frantziar gobernuek daramaten espetxe politika aldatzeko ere eskatu dute bertaratu direnek.

Ondoren, Estrasburgoko hirigunera abiatu eta manifestazioa egin da alde zaharreko kaleetan zehar. Bertako plaza esanguratsuenetan bilkurak egin ditugu aulkiei protagonismoa emanez eta informazioa banatuz. Manifestazioa espainiako kontsulatuaren aurrean amaitu da.

Datorren astean Irailak 20, Entzutegi nazionaleko zigor salaren plenoak aztertuko du Ines del Rio Tafallarraren Estrasburgoko epaitegiak emaniko sententziaren inguruan nolako irizpidea ezartzen duen 197/2006 doktrina aplikatuta duten 69 presoen kasuan.

Besterik gabe, adi datozen asteetan egongo diren mobilizazioei.

Eskerriko asko ekimenean parte hartu eta hainbat aportazioen bidez lagundu dezuen guztioi. Guztion ahaleginaz… EUSKAL PRESO ETA IHESLARIAK ETXERA!!!

Honetaz aparte, zapatuan kontzentrazinoa burutu zan Merkartean. Ostean, presoen aldeko bazkaria burutu zan frontoian, giro onean.

Read Full Post »

Barri ona, berandu etorri arren

“Zazpi urteko atzerapenagaz datorren barri ona“. Holantxik definitu dau Herrira-ko Jon Garaik Iosu Uribetxeberria arrasatearrari baldintzapeko askatasuna emon izana.

Argi ikusi dogu espainiar estatuak euskal preso politikoekiko daukan muga bako ankerkeria. Eta argi ikusi dogu herri honek daukan mobilizatzeko gaitasuna, eskubideen alde ekitekoa. Mobilizazinoak, itxialdiak, gose-grebak, kalean zein kartzelan egindako ekimenak, aulkiaren martxa…

Barri ona, arnasa hartu eta beharra eta konpromisoagaz jarraitzeko. Iluntzeko kontzentran eukingo dogu azken barriak komentatzeko aukera.

Argazkia berria.info-tik hartu dogu.

Read Full Post »

Azkenengo barikua Igorren

Read Full Post »

Urgentziazko deialdia, zapatuan Bilbora

Read Full Post »

Duintasunagatik, gose greban

Herrira-tik heldu jakun informazinoa:

Iosu Uribetxebarria presoaren muturreko egoera dela-eta, minbizia du eta bere gaixotasuna fase terminalean dago eta asteazkenetik gose greban dago, Herrira mugimenduak urrats berriak ematea erabaki du. Egoera krudel eta ez gizatiar honen salaketari jarraipena eman eta urrats kualitatibo bat emateko asmoz, Herrirak urgentziazko kontaktu erronda abiarazi du gaur eguerdian eta arratsaldean 100 lagun inguruk parte hartu duten asanblada informatiboa burutu du Donostia Ospitalean. Asanbladaren ondorioak jarraian dagoen dokumentuan:
Herrira – Iosu Askatu – Asanblada informatiboaren ondorioak – Euskaraz

Bertan hartutako erabakien arabera, bihartik aurrera Donostia Ospitalera joateko gonbitea luzatzen diogu Iosu Uribetxebarria eta gaixo dauden beste 13 euskal preso polotikoen askatasunaren alde, giza eskubideen alde, konponbidea eta bakearen alde dauden hiritar guztiei. Egoeraren larritasuna handia da eta bost pertsonek -Herrira mugimenduko kide diren Jon Garay eta Fran Balda, Arrasateko zinegotzi den Joxerra Askasibar, bularretako minbizia pairatu arren preso segitzen duen Gotzone Lopez de Luzuriagaren senarren den Ander Alberdi eta Rodolfo Cuesta pres ohia dira grebalariak- gose greba mugagabeari ekingo diote.

Herrirak, goizeko 10:00tatik aurrera Donostia Ospitalera joateko deia egiten du. Bertan egingo diren iniziatiba guztietan parte hartzeko, baraua egiteko, gose grebarara gehitzeko edo ahal duen neurrian eta tamainan Iosu Uribetxebarriaren askatasunaren alde egiteko. Mesedez, deialdia zabaltzen laguntzeko eskatzen dizuegu. Atxikitako dokumentuetan ondorengo ordu eta egunetako deialdi eta informazio gehiago izango duzue.

Eskerrik asko eta edozein zalantza edo ekarpen egiteko lasai idatzi helbide honetara.

Lortuko dugu! #IosuAskatu #GoazenOspitalera

 

Read Full Post »

Lemoako jaietan presoak herrira! 27an kontzentrazinoa, 30ean Herrira eguna eta 31an Gorbeiara!

Read Full Post »

Eduardo jipoitua eta gose greban

Familiako iturrietatik jakin izan dogunez atzo arratsaldetik hasita Eduardo Perez de Anuzita gose greban dago.

Dirudienez, Valentzian Picassenteko kartzelan istiluren batzuk gertatu ziren arratsalde partean. Ondoren Sergio Polo eta Manex Castro modulokideen arrastoa galdu eban. Hori dala eta funtzionariei galdetu eutsien euren lagunei zer gertatu jakien. Ez eban erentzunik izan, eta bera horretan tematu zanez, azkenean seguridadekoak etorri jipotu eta bere ziegara eroan eben.

Horreri aurre egiteko, eta lagunen barri izan arte, bere burua gose graban jarri deu.

Gertatutakoak argi erakusten deusku estatuarentzat mendekua dala kartzela politika gidatzen dauan oinarri politikoa!

Baina guk… maite zaituztegu !!

Read Full Post »

Azken barikua Diman

Read Full Post »