Posted in BUZOIAN AURKITUA, tagged #M18Plazara, Arratia, Euskal Presoak, herrira, Igorre, presoak on 2013/05/13 | Utzi erantzun bat »
“Giza eskubideak, irtenbidea, bakea. Euskal presoak Euskal Herrira”. Horixe da ekimenaren lema.
Datorren zapaturako herrietan plazak betetzeko deia egin dau Herrira-k. Arratian, martxa bat egingo da, herriz herri, oinez. Bi zutabe eukingo dauz, bata Zeanurin hasiko da eta bestea Bedian. Martxa pasatu ahala, herri bakotxean ekimen ezbardinak burutuko dira. Igorren alkartu eta Dimaraino batera joango dira, han ekitaldi bategaz amaituteko.
Posted in Uncategorized, tagged edu perez de anuzita, eduardo perez de anuzita, Euskal Presoak, herrira, presoak on 2013/05/09 | Utzi erantzun bat »
Naiz-en irakurri dogu barria, eta poztuten gara, asko.
Hamazortzi urtez espetxean izan ondoren, Edu Perez de Anuzita preso politiko igorreztarra aske geratu da. Gauean espero da Loiuko aireportura iristea eta bertan egingo diote lehen harrera.
Edu Perez de Anuzita, Murtziako espetxetik atera ondoren. (@zorroztarrie)
Edu Perez de Anuzita euskal preso politikoa etxera bidean da, lehen orduan Murtzia II espetxetik atera ondoren.
Gaueko 23.00 aldera iritsiko da Loiuko aireportura eta bertan jasoko du aurreneko harrera.
Asteburuan, aldiz, hainbat ekitaldi antolatu dituzte Arratian Perez de Anuzitari ongietorria emateko.
Posted in Uncategorized, tagged azken barikua, Euskal Presoak, herrira, Igorre, presoak on 2013/04/27 | Utzi erantzun bat »
Euripean burutu zan kontzentrazinoa. Jarraian amaieran irakurritako testua:
Apirila amaitzen ari da eta dagoeneko #M18Plazara ekimenaren prestaketan buru belarri gabiltza. Datorren maiatzaren 18an Euskal Herriko 200 plaza baino gehiagotara euskal preso politikoen eskubideen aldeko aldarria jendarteratuko duen mobilizazio deszentralizatua.
Espetxe politikaren aurpegirik krudelena ikusi dugu azken asteetan, ondorio latz eta atzeraezinak pairatuz eta etengabe tragediarekin harremanetan. Horren erakusle dira Xabier Lopez Peña eta Angel Figueroaren heriotzak, Bigarren Ibarra edo Jabi Martinez Izagirreren gertukoek izandako istripuak edo Puerto, Sevilla edo Mureten emandako eraso fisikoak. Garaia da giza eskubideak era nabarmenean urratzen dituzten salbuespeneko neurriekin amaitzea. Euskal jendarteko zati handi baten sufrimendua eta antsietatea luzatzeaz gain, konponbidea eta bakea definitiboki lortzeko bidean traba besterik ez dute egiten.
Posted in BIDEOAK, tagged Euskal Presoak, herrira, M18, Plazara on 2013/04/25 | Utzi erantzun bat »
Posted in BEHARRERAKO BIDEAN, tagged Euskal Presoak, xabier lopez peña on 2013/04/05 | Utzi erantzun bat »
Gaur, beharrerako bidean, Ezker Abertzaleak mahai gainean ipini dauen azkengo hildakoa euki dot gogoan. Bereziki sutu ninduten Itsaso Atutxa jeltzalearen berba mingarriek; hausnarketa iraingarria, krudela, merkea eta zentsugabea. Heriotza horren harira, Patxi Lopez berak espetxe politikan aldaketak aldarrikatu behar izan dauzenean, Itsaso Atutxa “andereak” Xabier Lopez Peñaren heriotzaren kasuan, ez ei dau ezer arraroa ikusten… Arreta bereziko gunera ez eben eroan Lopez Peña, eta, bere egoera ikaragarrizko larritasunekoa zan arren preso euki eben hil arte. Beharbada, Atutxa “andereak” chotis bat dantzatuko luke bere nebaren bategaz, esaterako, halako basatikeria egingo balute…
Xabier Lopez Peña militante abertzalea zan, eta, bere garaian, erakunde armatuko ordezkaria izan zan PSOEko gobernuaren ordezkariekaz Oslon izandako elkarrizketatan. Jesus Egiguren –egun, PSEko presidentea dana- Zapateroren gobernuko ordezkaria izan zan garai hartan, eta Xabier Lopez Peñari buruzko anekdota bat kontatzen dau. Afaloste batean sekulako eztabaida euki ei eben Lopez Peñak eta Egigurenek, eta, beste hainbat gauzen artean, Egigurenek honela esan ei eutson erakunde armatuko ordezkariari “ez zara konturatzen atentatuak egitea erabakitzen badozue, bizitza osoa emongo dozula gartzelan?”; Egigurenek kontzatzen dauenez, Lopez Peñak elizkizunetara joateko korbata baltzak erostea gomendatu ei eutson. Kontua da ETAk utzita dekola jarduera armatua, Lopez Peñaren bizitza gartzelan amaitu dala eta Egigurenek ez dauzela erositako korbata baltzarik behar.
Beste preso bat gehiago gartzelan hil dana. Jasanezina da egungo egoera, eta ulertezina da euskal preso politikoekaz estatuek garatzen dabizen politika oldarkorra eta krudela: preso gaixoak, Parot doktrina…Ostera be gertatu ez daiten jarrera argiak behar dira, eta oso argi utzi behar dau herri honek aurrera egin gura dauela; horretarako ezinbestekoa da euskal presoen eskubideak errespetatuak izatea.
Argi dekot. Bihar Bilbora jaongo naz ahalik eta ozenen nahiko dala aldarrikatzera, bai estatuek, baita Urkulluren alderdiko buruzagiek be, duintasuna zer dan ulertzen has daitezen.
Posted in BUZOIAN AURKITUA, tagged Arratia, Dima, Euskal Presoak, herrira on 2013/04/04 | Utzi erantzun bat »
Posted in BUZOIAN AURKITUA, IRAGARKIAK, tagged bilbo, Euskal Presoak, herrira, xabier lopez peña on 2013/04/04 | Utzi erantzun bat »
Posted in BUZOIAN AURKITUA, tagged Arratia, Dima, Euskal Presoak, herrira, iheslariak on 2013/02/05 | Utzi erantzun bat »
Diman, Preso eta errefuxiatuen eskubideen aldeko kontzentrazioa, hileko lehenengo barikuan egiten da aspalditik. HERRIRAkoek hitzordu hau bultzatzea erabaki dabe, eta orain arteko formatua apur bat aldatu dabe:
- Kontzentrazioa mantenduko da (19:30etatik 20:00ak arte), baina Herriko talde, elkarte eta koadrilen inplikazioa bilatzen. Ideia hau da: hilabete bakoitzean pankarta, talde edo koadrila desberdin batek hartuko dau.
- Kontzentrazio ostean, eta erdi ordu baten kasu gehienetan, preso eta errefuxiatuen inguruko ekitalditxo bat antolatuko dabe. Martxoaren lehenengo barikuan hasiko dira formato barriagaz.
Posted in ARRATIA NEWS, tagged Arratia, Euskal Presoak, herrira, Igorre on 2013/01/23 | Utzi erantzun bat »
Hilabete guztian legez, urtarrileko azkenengo barikuan, kontzentrazioa burutuko dabe Igorren Herrirak deituta euskal presoen eskubideen alde. Konzentrazioa arratsaldeko 19:30ean hasiko da.
Posted in EUSKALDUN BATEN HAUSNARKETAK, tagged EAJ, eaj-pnv, Euskal Presoak, PNV, Urkullu on 2013/01/16 | Utzi erantzun bat »
Lan erreformaren aurkako manifestazio erraldoi egin eben Madrilen; bertan,
milioi bat lagun baino gehiago elkartu zirela esan eben hedabideek. Rajoiren erantzuna honako hau izan zan: “han shido mash losh ciudadanosh que she han quedado en casha”. Marianoren ustez, beraz, manifestaziora joan ez zirenak lan erreformaren alde dagoz.
Manifestazio erraldoia zapatuan Bilbon egin zana euskal presoen eskubideen alde, eta Bizkaiko, Gipuzkoako eta Arabako “lehendakariari” honako hau esatea bururatu jakon bere ausentzia ulertezina justifikatzearren: “Errespetatzen ditut joan direnak eta joan ez diren bi miliotik goarakoak be”… Insinuazio argia: manifestaziora joan ez ziren herritar danak euskal presoen eskubideen aurka ei dagoz Urkulluren aburuz…
Emoten dau, beraz, marianismoaren argudioak bereganatzen dabilela Urkullu. Eta ez bakarrik argudioak. Zorritzarrez, ekintzetan be, bide beretik doazela emoten dau; Urkullu Rajoiren atzetik, jakina. Murrizketak beharginen lepotik. Noizean behin behar egiten daben behargin publikoei, iaz, 14. ordainsari gisa, finikitotan emondako dirua kendu gura dautsie. Gaur bertan atzo bertan jakin dogu Urkulluren gobernuak “repagoa” ordainaraziko dauskula sendagaiak erosteko orduan; horrela, gaixotzea penalizatuko dabe. lotsabakoak!
Ortuzar makildunak esan eban Bilbon zapatuan, bere “entronizazio” ekitaldian, bere alderdiak “hitzak eta ekintzak” ipiniko ebazala “Euskadiren” alde. Ikusten gabiz ba, zer hitzak eta zer ekintzak. Tamalgarria.
Eskerrak Bizkaiko, Gipuzkoako eta Arabako %17,61 “besterik ez” dautsiela botorik emon, ostantzean… Urkulluren arrazonamenduari jarraituta 1.799.840 herritar ez dagoz PNVgaz ados…
Argi gera dadila, dana dan, PNV bozkatu ebezan 384.766 militante eta zaletu jeltzalekiko nere errespetua; batez be, zapatuko manifestazioan egon ziren ehunka PNVzaleekiko. Zorionez, danak ez dira haien oraingo buruzagi bezain harroputzak eta autoritarioak.
IGORREKO UDALA EZKER ABERTZALEA LAURA MINTEGIREN BLOGA
