Gogo eta nahiak

Daborduko, hauteskundeen gainean gogoeta ugari eta anitzak egin dira, baina, kontu bik bereganatu dabe nire arreta; alde batetik, abertzale eta unionisten arteko aldeak.

Argi dago, abertzale eta unionisten arteko aldea hazi egin dala, baina, batzuen iritziz ez hainbeste. Aurretik, lau hauteskundetan izan ei dabe abertzaleek  emaitza hobea. Iritzi-datu hori egia litzateke EE abertzale gisa hartuz gero, baina, badakigu egun (aspalditik), alderdi hori non dagoan.

Bestetik, hedabideek azpimarratu deuskue, ezker abertzalearen emaitzak ez dirala onenak: 1986an esate baterako EA 13 + HB 13 = 26 eserleku. Nire ustez, garai haretan, EAk independentistatik gutxi eukan eta ezkertiarretik gutxiago.

Beraz, ozen esan daikegu, ezker abertzaleak Gasteizerako hauteskundeetan izan dauzan emaitzarik onenak izan dirala. Beste barik, Gora gu ta gutarrak!

Read Full Post »

313 berba ehbildu-ren emoitzen inguruan

Hausteskundeak egin aurretik saiatu nintzan azaltzen, nire ustez, nondik gatozen.   Horretarako sarrera bi argitaratu nebazan: lehenengoan EAEko emaitzen inguruan jardun nintzan, eta, bigarrenean, barriz, Igorrera mugatu neban idatzitakoa.

Domekan bozkatzera joan ginan, eta soberan ezagutzen doguz emoitzak, bai orokorrak, baita gure herrikoak be. Saiatuko naz ehbilduk lortutako emoitzen inguruan pentsatzen dodana azaltzen: EAEn eta Igorren.  Argi dago, 21 legebiltzarkide lortuta, itzelezko eragina izango dauela ehbilduk, bai legebiltzarrearen barruan, baita hortik kanpoan be.

Egia esan, eta hauteskundeen aurretik idatzitakoa irakurri badozue ondorioztatu ahal izango zenduen, ez dala egon nere aurreikuspenen artean askoz parlamentari gehiago lortzea -akaso bat gehiago, Gipuzkoan-. Aukera paregabea dauka ehbilduk, politika beste era baten egin ahal dala praktikan ipinteko, Gasteizko legebiltzarrean be.

Bizkaian, Amaiurrek baino 5.000 boto gehiago bildu dauz ezkerreko koalizio independentistak, eta Araban, 1.000 gehiago. Arratian, esaterako 300 bototan hobetu dauz Amaiurren emoitzak. 2009. urteko emoitzekaz alderatuz gero, askoz boto gehiago lortu dauz ehbilduk, D3Mk, EAk eta Aralarrek batuta lortu euriezanak baino.

Gipuzkoan, barriz, 15.000 boto inguru gutxiago lortu dauz ehbilduk Amaiurrek baino; lotura zuzena eduki ahal dau horrek egindako kudeaketagaz? Edozein kasutan konsolidatze prozesuan dago ezkerreko aliantza abertzalea; eraikin barrietan konpondu beharreko arrakalen antzekoak euki ahal izan dauz ehbilduk, ezta? Gipuzkoarrei dagokie horren inguruko hausnarketa garatzea.

Jakin badakit zenbaitek bat edo bi jarleku gehiago espero zeuriela Gipuzkoan -21 + 2 = 23-. PPren boto transbase barik, zazpigarrena lortu ahal zala Bizkaian -23+1 = 24- ; antza, Araban be, beste bat lortzea posible ikuste zan 24+1 = 25- Seguraski, PNVk, orduan, baten bat gutxiago lortuko eban… Horrela irteten jakiezan batzuei halako zenbakiak -GARA egunkarikoei, esate baterako-, eta horrela sortu ziran, sortu ziran espektatibak…

Ehbilduren helburua Euskal Herriaren nazio eraikuntzan datza, eta  justizia soziala ekartzea gure herrira, eta politika egiteko beste modu bat badagoela argi uztea, herriagaz eta herriarentzat;  Euskal Herriaren aldeko indar-metaketa garatzen jarraitu. Batzuen ustez, gainditu beharreko geldiunea egon da indar-metaketa prozesuan… Ez dakit, ez daukat batere argi domekako emaitzek indar-metaketarik ez dakartenik. Ehbilduk pozik egoteko emoitzak lortu dauzelakoan nago, dudarik gabe.

Read Full Post »

EHBildu, autokritikarako tarte bat

Honako hau topatu dogu sarean. Astelehenean idatzita dago; idazlea Oier Azkarra da, Zuiako gaztea; bloga, berea, jakina: BETI IHESEAN, BETIHESEAN . Sano interesgarria iruditu jaku eta “lapurtu” egin deutsegu, parkatuko deuskulakoan.

Gaur autokritikarako eguna da, atzoko emaitzen aurrean autokritika, eta oso kritika sesudoak egongo direnez hortikan, nirea bost klabeekin egin nahi dut, debaterako puntu bat izateko intentzioarekin.

Lehenik eta behin, esan nahi dut atzokoa garaipen argia dela, oso argia, bereziki Araban, eta horregatik gaur pozik egoteko eguna da.

Bigarrenik, uste dut galdu dugula geneukan kutsua, beti izan duguna, kanpainetan ezberdinak ginen, politika egiteko ezberdinak, gaur besteak bezalakoak gara, besteen kanpaina berdinak egiten ditugu. Atzo Mintegi andereak irain bat eskaini zigun, aktibistak deitu gintuen. Hori, niretzat, irain larria da. Baina arrazoi handia duen iraina. Aktibista bihurtu gara, zein momentutan? Ilusioa galdu dugun momentuan, eta zaila izango da ilusio hori berreskuratzea.

Hirugarrenik, indar batuketak garrantzi handia duela ez dut ukatuko, hala da. Indar batuketarik gabe, ez geundeke gauden lekuan eta ez ginen izango gaur garen guztiak. Baina indar batuketa, “zukgua” elektoral hau, soilik da aurrera pausua bakoitzaren ezberdintasunak onartu eta errespetatzen baditugu, eta guk gure nortasun propioa galdu dugu kolektiboaren mesedetan.

Laugarrenik, EHBILDUren boto emaileen zati inportante bat, gazteak gara, eta hori oso argi omen zegoen zerbait da. Gazte Bozka hori gureganatzeko egindako lanketa nuloa izan da. Guztion errua izango da, hori argi daukat, baina argi dagoena da, ez dugula gureganatu, beste gauza batzuen artean, jarritako hautagai garrantzitsuen adin media oso altua zelako, eta Mintegi bera, gazteontzat ezezaguna zelako, hautagaia izan baino lehenago.

Bosgarrenik eta azkenik, beti izan dugu, indar oso handi bat, indar hori, herrian dago, herri mugimenduan. Azken urteetan, izan ditugun prisak behartuta, herri mugimendua alde batetara utzi dugu, ez ditugu instituzioak mugimendu horren mesedetara jarri, eta horrek min handia egin digu. 2 urte ditugu aurretik, hauteskunderik gabe, tartean EHBilduko zati inportante bati, Sortu Prozesua dagokigu, Gazte Prozesua ere, Gazteoi. Bi urte hauetan, klabe hauetatik eta beste askorengatik tiratu eta konpondu beharko ditugu. Gasteizko Martxoko Iraultzako oihu ahantzi bat zioenez, “La lucha está en la calle, y no en el parlamento!” Aurrera!

P.D. Gipuzkoako balorazio bat, eskatzen zait. Ez gaitezen engainatu, Bilduk akatsak izan ditu Gipuzkoan 15.000 boto galdu ditu, akats hori ez dago basuraren batetan botata, baizik eta komunikazio estrategian, ez dugu jakin komunikatzen, herriari azaltzen zer egiten gauden, Iraultza ez da egun batetik bestera egiten, eta ematen diren pausu guztiak azaldu behar dira, baita ondo azaldu ere. Baina argi izan PNVk 30.000 boto irabazi dituela, eta boto horietako askok PSOE eta PPtik datozela, ez konbentzitu dituztelako, baizik eta PNV EHBILDUren aurrean “mal menor” delako.

Read Full Post »

Ezkerreko indar independentisten eboluzioa, EAEn

GRAFIKOA_hauteskundeak

Read Full Post »

Hauteskunde autonomikoen emoitzak, Igorren

Herriak bozkatu egin dau, eta jakin badakigu zelango emoitzak utzi deuskuezan domekako hauteskundeak. Alderdirik bozkatuena EAJ-PNV izan da gurean 1097 boto bilduta; alderdi horrek 1293 boto eskuratu ebezan 2009. urteko hauteskunde autonomikoetan eta 1004 iazko Espainikako kongresurako hauteskundeetan.

Oso hurbil gelditu da ehbildu ezkerreko  koalizio independentista 1035 botogaz. 2009. urteko emoitzei erreparatuz gatxa da erreferentzia zehatza topatzea; orduko hartan ezker abertzalearen marka izan zen legez kanporaturiko D3Mk 445 boto hartu ebazan. Aldi berean, 195 bozka hartu ebezan Eusko Alkartasunak eta Aralarrek, barriz, 114. Esan liteke, beraz, ehbilduk ordezkaturiko esparru politikoak 745 bozka batu ebazala aurreko autonomikoetan. Lortutako emaitza iazko Espainiako kongresurako Amaiurrek lortutakoaren pare gelditu da, iazko horietan 1036 boto lortu ebazala Amaiurrek.

Urrun samar gelditu dira PSE eta PP. PSEk 112 boto eskuratu dauz Igorren; 2009. urtean 198 lortu ebazan eta iazko hauteskundeetan, barriz, 147. PPk, barriz, 48 bozka hartu dauz; 2009. urtean 64 eta iazkoetan 106.

Read Full Post »

Sabinoren hausnarketak, hausnartze egunerako

Read Full Post »

Hauteskundeak 2012: nondik gatoz eta nora goaz (II)

Atzo, EAEko 1998ko hauteskundeen emaitzak aipatu neutsuezan hemen, eta, baita be, iazko Espainikako gorteetakoenak; emaitza orokorrak aztertu genduzan. Gaur, ordea, Igorrera mugatuko gara datu-azterketa horretan.

1998. urtean, Lizarra-Garaziko akordioaren eragin baikorra bere goreneko puntuan egoanean, hauteskundeak burutu ziren, gure herrian be, Gasteizko legebiltzarra aukeratzeko. Hauteskunde horietan 1.217 boto jaso ebazan EAJ-PNVk, EAko botoak eta Euskal Herritarrokenak 985 izan ziren, orduan; PSEk 128 lortu ebazan eta 126 PPk; EB-IUk 28 boto eskuratu ebazan.

2011. urteko Espainiako gorteetarako bozetara Amaiur aurkeztu zan eta honako hauek dira iaz Igorren eskuratutako emaitzak: EAJ-PNVk 1.004 boto, Amaiurrek 1.036 boto, 147 PSEk eta 106 PPk; EB-IUk, bere aldetik, 35 boto lortu ebazan.

Datu horiek mahai gainean, askoz hobeto aztertu ahal izango dira domekako emaitzak; egunkarien iragartze interesatuetatik at, oinak lurrean, eta Ezker Abertzaleari jagokona behintzat, begiak etorkizunean jarrita, eta gaur egungo errealidadea ondo aztertuz eta interpretatuz.

Edozein kasutan Euskal Herriarentzat oso garrantzitsua da ehbilduk ahalik eta boto gehien eskuratzea, hori test ezinhobea izango baita Euskal Herrian abiaturiko prozesu independentistarentzat. Erraza ez da izango, jakina. Urkulluk larrosaz margozturiko agertokia deskribatzen dau bere irakurritako interbenzio guztietan, ondoren aplikatu leukeen eskoieko politika eskutatuz; baina, ehbildu Herri oso baten etorkizunaz dabil berbetan. Egun gutxi barru,  benetako azterketak egin ahal izango doguz; bitartean, zuon eritziak ezagutu gura neukez… Lasaitasun osoz astindu ahal dozuez teklauak.

Read Full Post »

Hauteskundeak 2012: nondik gatoz eta nora goaz (I)

Ez da batere erraza izango domekan, Bizkaia, Gipuzkoa eta Araban, burutuko diren hauteskundeen emaitzak baloratzea. Arriskua dago zenbakien artean galtzeko; ehunekoek eta jarlekuek ez deuskue, baina, egia osoa kontatzen, batez be, erreferentzia garbirik ez badekogu.

Domekan, nere ustearen arabera lehia bi egongo dira: alde batetik EAJ-PNVren eta ehbilduren artekoa, eta bigarrena, ea azkenengo urteotan EAEn gobernatzen egon diren PP-PSE zertan gelditzen diren bloke abertzalearen aurrean -EAJ-PNV abertzaletzat jo badaiteke, behintzat.

Ilegalizazino egoeraren ondorioz, Ezker abertzalea ez da Gasteizko parlamentuan  era normalizatuan egon azkenengo urteotan, eta, gainera, koalizioan aurkezten da EA, Alternatiba eta Aralarregaz batera; non bilatuko dogu ba, erreferentzia?

Garaiotan bizi dogun abertzaleen arteko elkarlanerako joeraren adibiderik hurbilena 1998. urtean bilatu behar dogu. Orduan, Lizarra-Garaziko akordioa indarrean egoan, eta urriaren 25ean hauteskundeak burutu ziren Bizkaian, Gipuzkoan eta Araban. Hauteskunde horietan EAJ-PNVk 350.322 boto lortu ebazan, EAko botoak gehi Euskal Herritarrokek lortu ebazanak 332.636 izan ziren, PSEk 220.052 boto ebazan, eta Iturgaitzek gidatutako PPk, berriz, 251.743. Honen ondorioz, EAJ-PNVk 21 jarleku eskuratu ebazan; EAk+EHk, 20; PSEk, 14, eta PPk 16. Gainontzeko 4 jarlekuak EB-IUren eta UAren artean banatu ziren, bina jarleku eurenganatu ebezala.

Aurrekoa erreferentzi zilegia bada be, kontuan hartu behar dogu EAko hainbat sektorek PNVgaz bat egin dabela; beraz, ez da guztiz zuzena batuketa matematikoa egitea, baina tira, ideiaren bat edukitzeko ez dot uste txarto dagoenik.

Kontuan hartu behar dira, baita be, Espainiako legebiltzarrerako azkenengo hauteskundeen emaitzak; bertan, Amaiurrek hartu eban parte, eta hori da, zalantza barik, ehbildugaz antzekotasun handien daukan indarra, batez be, euren emaitzak alderatzeko orduan. Kasu horretan EAJ-PNVk 324.317 boto lortu ebazan, Amaiurrek 285.290, PSEk 255.013, PPk 210.797, EB-IUk 43.717 eta UPyDk 20.000. Alderatu ahal dozuez zenbaki hauek 1998. urtean lortutakoekaz eta zenbait ondorio aterako dozuez, seguru.

Bihar, aipaturiko bi hauteskunde horietan, Igorren gertatu zanaz egingo deutsuet berba.

Read Full Post »

Kanpainan. Asteburuko kronika

Euskal Herria Bildukoak badabiz apurka apurka euren kanpainako plangintza, Igorreko etxeetara buzoneatu ebena, betetzen. Asteburu betea izan dabe. Bariku iluntzean, jaima eta txokolatada Agirre Lehendakarian. Zapatuan, eguerdian kotxe-karabana eta arrastian, BECetekada Barakaldon, ekitaldi zirraragarrian.

Domekan, ekitaldia egin eben Areatzan, udaletxeko arkupean, Arri Zulaika balmasedarraren presentziagaz. Trikitilariak, sagardoa eta mokadu bat jateko aukera, giro onean, euria botalean ibili arren.

Ohitura dan moduan, datozen egunotan banatuko dabez botoak etxeetatik. Barikuan, kanpaina amaieran, triki poteoa egingo dabe 19:00etatik hasita Igorren. Zeanurin aldiz, kotxe-karabana eta afaria egingo dabez egun berean (txartelak erosteko azken eguna eguaztenean).

Read Full Post »

Zapatuan BECera

Read Full Post »