Gorbeiako kurutzeraino heldu da fracking-aren kontrako aldarria

Urtero gaurko egunez Gorbeiara igotzeko dagoen ohituragaz bat eginez, Araba eta Bizkaiko Fracking ez! taldeek eta Euskal Mendizale Federazioak deialdia egin deuskue herritarroi, frackingaren kontrako argazki erraldoia ateratzeko. Kronika hemen.  

Read Full Post »

Egin dezagun bidea!

 Abuztuko “urteera operazinoagaz” batera, euskal preso eta iheslarien eskubideen aldeko ekimena burutu eban Egin dezagun bidea ekimenak atzo, Euskal Herri osoan zehar.

Hamarnaka arratiarrek erantzun eben deialdia eta Pagomakurretik hasita, Gorbeiako kurutzera igon eben, ikurriña eta banderolakaz lagunduta.

Tontorrean, argazkia, orri-informatiboen banaketa eta ekitaldi laburra, errepresaliatuek bizi daben egoeraren barri emon eta eskualdeko preso eta iheslariak oroitu zirean (Iñaki Bilbao, Edu Perez de Anuzita, Ana Petralanda eta Tomas Linaza). Bertsoak be bere lekutxoa eukin eban, eguzkipean.

Igiriñautik Saninazio

Lekandapean Arraba

bihotz barruak elkarbanatu

doazela lau haizetara

askatasuna herrian poza

gozatzearen islada

kartzeletako gudarientzat

bidea egina bada

barrua eta kanpoa biak

laster elkartuko gara.

 Jaisterakoan, txitxiburduntzia egin eben Larrederren.

Read Full Post »