Azken (aurreko) polemika (2)

Oin dala aste batzuk, alkate barriaren dedikazino eta soldata kritikatu ebazan Igorreko PNVk Deia-n. Bildu-k gutuna bidali dau Deia-ra, argipenakaz.

Read Full Post »

Karmeleri gutuna

Zure lagun batek Igorreko plenoen inguruko zure kontakizunak idazten dauz blog honetan, eta, egia esateko, oso ondo jatorku plenotara ez goazen askori; zure lagunaren sarrerek udaletxe barruan gertatzen danaren barri ematen dausku.

Aurreko legealdiko azkenengo plenoaren ostean, goibel samar ibili zinela nabaritu ahal izan gendun zure lagunak idatzitakoa irakurri ondoren. Galder, Oihane eta Gotzone ezin zirela ostera be aurkeztu, eta Isidorregaz oroitzen zinela. Horretaz gain, zalantzak zenduzan etorkizunaren inguruan.

Karmele, zuk badakizu aurreko legealdiak gure herriko udalera ekarritako aldaketaren garrantzia, bertatik bertara jarraitu zendulako. Plenoz pleno jarraitu dozu udaletxean gertatutakoa, eta udaletik, gainera. Esan litike aditua bihurtu zarela Igorreko udal politikari dagokionez. Zuk, Karmele, ederto jakin dozu udal hauteskundeetan jokoan egon dana.

Bi alkategaien arteko aukeratzea ez zan pertsonen arteko arteko hautatze hutsa; azken batean, pertsona moduan biak izango ziran egokiak, eta alkate legez biak saiatuko izango  ziran Igorrerako onena ekarten. Gobernatzeko eredua egon da jokoan, Karmele, eta horregaitik egon zinen urduri.

Beiñat Anzola bada alkate, eta datorren astelehenean, hilaren 27an, legealdiko lehenengo plenoa burutuko da udaletxeko pleno aretoan; espero dot (dogu) zintzo-zintzo joango zarela bertara, eta jenteari kontatuko dautsezula ikusten eta entzuten dozuna. Jakinmina dekot PNVk egindako hainbat aurpegien aldaketak bere isla izango dauen oposizinoa egiteko orduan; udal-beharretan inplikatuko direla dagozkien batzordeen lehendakaritzak hartuz, etab.

Tira, Karmele, esandakoa; zure lagunari irakurriko dautsiegu zuk kontatutakoa. Eskerrik asko.

Read Full Post »

Gogoz beteriko argazkia

Gaur, beharrerako bidean, BILDUkoek Igorren ipinitako argazkiak euki dodaz gogoan. Argazki barri horreetan, hainbat lagun dagoz, eta, dinoskuenez, behar egiteko dagoz.

Zerrendarik bozkatuenetakoek eta atzetik daukien talde indartsuak Igorren alde behar egiteko euren prestutasuna azaltzen deuskue argazki honen bitartez. Udaletxe barrian, euren tokia edozein izanda be, hauteskundetara aurkeztu eben programa gauzatzen saiatuko dira; datozen lau urteotan, koadrilla horrek zeresan eta zeregin handia emongo dau, hori seguru!

Read Full Post »

BILDUren kartelak kenduko dabez

Atzo iluntzean, BILDUko hainbat kide ibili ziren herritik, amaitu barri dan kanpainian zehar ipinitako hamaika kartelak kentzen, eta, gaur behar horregaz jarraituko dabela iragarri dabe bilduigorre orriaren bitartez. 

Hitzordua iluntzeko 20:00etarako finkatu dabe Kultur Etxe aurreko plazan, eta herrian gelditzen diren BILDUren azkenengo kartelak kentzeko asmoa daukie.

Atzo, gainera, behar erantsia euki eben BILDUkoek: kanpainarako prestatu eben mataza koloretsu ikusgarria Lasarte parkean itzi eben aurreko egunean, apaingarri, eta, arratsaldean, guztiz puskatuta agertu zan; parkea paperez eta koloretako zintaz beteta egon zan, eta han ibili ziren BILDUkoak lurretik barreiaturik gelditu ziren paper danak batzen eta parkea txukuntzen.

Read Full Post »

Igorreko alkatea,…Iñigo Uriarte???

DEIA egunkariaren arabera, Igorreko alkatea aukeratzeko burutuko dan plenoan, Igorre Danontzateko zinegotzi bakarrak Iñigo Uriarteri -PNVko alkategaia- emongo ei dautso botoa, eta, horrela, PNVk eskuratuko leuke alkatetza.

http://www.deia.com/2011/05/23/especiales/elecciones-22m/bildu-es-la-fuerza-mas-votada-en-ondarroa-elorrio-e-igorre

Igorre Danontzat plataforma dauela lau urte sortu zan, eta aurreko udal hauteskundeetan -2007. urtean- zinegotzi bi lortu ebazan -PNVk 5 lortu ebazan eta ANVk beste 4-; plataformako zinegotzi bien botoakaz  eskuratu eban Galder Olibaresek alkatetza kargua.

Bere sorreran, plataformaren helburuetariko bat PNVren 30 urteko agintaldiagaz amaitzea izan zan, eta, oraingo hontan-DEIAk iragarri moduan- Iñigo Uriarteren alde bozkatuko balu, aipaturiko alkatetza hori emongo leukio, ostera be, alderdi jeltzaleari.

Atzo burutu ziren hauteskundeetan zinegotzi bat lortu dau Igorre Danontzatek, aurreko hauteskundeetatik 140 boto galduta, eta BILDU -bozkatuena- erabateko gehiengotik 7 botora gelditu da; PNVk eta BILDUk bosna zinegotzi lortu dabez.

Read Full Post »

Hauteskundeetako irabazlea, Igorren

Gaur, beharrerako bidean, udal hauteskundeek gure herrian itzi dauzen emoitzen inguruan ibili naz hausnartzen. Inolako zalantza barik, eta nire ustez, behintzat, irabazle argia atera daiteke atzoko zenbakiak ikusita: igorreko herria. Alde batetik izugarrizko garaipena izan dalako BILDU hauteskundeetan egon ahal izatea -pentsa deigun zelako egoeran geundeken herrian BILDU ilegala izanda-; beste aldetik, erabateko gehiengorik ez egoteak adostasunak bilatzen derrigortuko dauz udalbatza osatuko daben hiru taldeak, eta hori, herriarentzat ona da.

Beiñat Anzolak eta bere taldeak oso argi itzi dau, bai programaren bidez, baita jende aurrean egindako interbenzinotan orain arteko bidea jarraituko dabela udal antolaketari jagokonez: plenoak 15ean behin, batzorde irekiak, batzordetako lehendakaritzak alderdi guztien artean banatu etab. Oposizinoak, beraz, ez dau behar egiteko inolako oztoporik izango; hori herriarentzat, ona da.

Azken batean igorreztarrok 11 ordezkari hautatu genduzan atzo, eta danei jagokie gure herriaren garapen egokia aurrera eroatea, eta igorreztarrontzat estrategikoak diren epe luzerako proiektuak adostea; bide horretan BILDU berma bat da, duda barik. Seguru nago Beiñat, Karmele, Iñaki, Gurutzne eta Soraya hortan jarriko direla hainbat lasterren. Zorionak bostoi eta orain, beharrera, egiteko asko dago-ta.

Read Full Post »

Traktorea, mataza koloretsua eta 40 autoen historia…

Gaur, beharrerako bidean, atzo Igorreko kaleetan ikusitakoa ekarri dot gogoan. Hasieran ametsa zala pentsau neban, edo beharbada dekodan ilusinoaren hegaleko kalteen ondorioak. Traktore bat ikusi neban, gainean mataza koloretsua eukana, atzetik 40 auto inguru; BILDUren aldeko botoa eskatzen eben megafoniatik, Aitor Gorosabelek abesten dauen abestiaren fondoagaz “…gaua amaitu da, eta bildu gara, bildu…”

Atzokoa, BILDUk,gure herrian egindako kanpainaren laburpena izan liteke, naihiz eta, bilduigorren irakurri ahal izan dodanez gaur “egun handia” ei dan: zer demontre egingo dabe horreek gaur…, nik behintzat, ez dot galduko… Hamaika aurpegi berri ikusten gabiz propaganda egiten, jaiman, auto-karabanatan…, BILDUren kanpaina ez da betiko modukoa izan, etxerako moduko jendeak eginiko “pekaturako” deia baizik; herria aurrera eroango dauen pekaturako konbite erakargarri bezain goxoa.

Gainera, kanta bat itziko deusku kanpainak. Orain arte letra egon da ikusgai. baina, orain, grabatu egin dabe. Entzun eta gozatu, eta ahal izanez gero, irakurle, pekatua zabaldu, egun bi gelditzen dira ta.

Edozein kasutan,  BILDU hauteskundeetan egote bera garaipena izan da, herriaren garaipena; zelako kanpainazoa galduko gendun, bestela… Domekan, herriak egingo dau berba eta dinonagaz aurrera egin beharko da, herria hobetzen, herria biltzen, amets egiten, utopia eraikitzen…

Read Full Post »

BILDUko hautagaiak ez dira perfektuak

Horrela dinoe bilduigorreko orrian argitaraturiko azkenengo sarreran; euren baieztapena frogatzeko, kamararen aurrean izandako errakuntzaz beteriko bideoa sareratu dabe.

Perfektuak ez zarie izingo, lagunok, baina une historiko honetan prest egon zarie aurpegia emoteko, eta ez bakarrik aurpegia, egun guztietan kalean beharrean ikusten jatsue ta. Kontuan hartu behar da, gainera, zuotariko gehienek ez dozuela sekula santan bez, horrelako saltsatan ibiltea pentsatuta eukin.

Historia egingo dozue gure herrian eta asko gara zuen determinazinoa eskertzen dogunok. Zuona bai, meritua; herriarenak zarie, dagoeneko.

Read Full Post »

Azkenengo plenoa

Karmele triste antzean etorri da gaur kafetxoa hartzera.

- Zer pasetan da ba, Karmele?

- Ba elekzinoen aurreko azkenengo plenoa izan dala gaurkoa eta pena puntutxo bategaz amaitu dodala. Ganera plenoan ganeko komentario handirik be ezin da egin, ez dekot umorerik. Gaiordeneko puntuak zeintzuk izan diren esango deutsuet. Ganera, danak aho batez onartu dira bat izan ezik, seigarrena. Udal langile batek egin deuan errekurso baten kasuan, PNV abstenidu egin da.

Honexek izan dira puntuek

• 1.- Aurreko aktak irakurri eta ontzat emotea.
• 2.- Kirola eta Kultura arloaren diru laguntzak emotea.
• 3.-Gizarte-Ongizate arloaren diru laguntzak emotea.
• 4.- Parrokiagaz Helduentzako Heziketa Iraunkorrerako gelak erabiltzeko hitzarmena
• 5.- “Moldis Etxarro S.L.” enpresak ipinitako 549/04 Prozedura Arruntaren barri emon
• 6.- K. A. jaunak ipinitako berraztertzeko errekurtsoa, urteko lan-egutegia ontzat emoten dan 2011ko urtarrilaren 31ko osoko bilkurearen erabagiaren kontrakoa.
• 7.- D. I. N. jaunak egindako erreklamazinoa, “Instalaciones Electricas Indar S.L” elexalde kaleko herri-argiteriaren energia-eraginkortasuna hobetzeko obrak gauzatzean eragindako kalteengatik.
• 8.- Obretako lizentziak.
• 9.- Eskaerak eta galderak.

- Da zerk egin dotzu ba,  humoririk ez eukitea ?

- Penea emon doste, pentseteak, Galder, Gotzone eta Oihane ezin direla barriro listetan egon. Penea emon doste Isidorok gure artean ez izateak.

- Baina poza be euki behar zeunke ezta?

- Bai eta arrazoiak badauz, baina horrek beste egun baterako itxi gure dodaz.

Read Full Post »

Igorre La Razón-en

La Razón egunkari fatxak, mapa hau egin dau Guardia Zibilaren datuetan oinarrituta. Handiago ikusteko bertan klikatu. Igorre be agartzen da.

Bide batez, esan daigun mapa txarto dagoala, herriak ez direalako agartzen benetan dagozan lekuan. Fatxen “profesionaltasunaren” azkenengo froga.

Gure postontzian aurkitu dogu informazinoa. Eskerrik asko bidaltzaileari.

Read Full Post »