Datorren zapatuan, enpleguaren aldeko manifestazinoa Bedian

Incoesa eta Alfuseko langileak gatazka gogorretan murgilduta dagoz, greba mugagabean. Bi lantegietako enpresa komiteek manifestazinoa deitu dabe eta Arratiako hainbat enpresatako komiteen atxikimendua jaso dau honezkero (Ormazabal, Tecnichapa, Araluce, TMC, Hierros Sancho, Aliasa, Forjas Unidas, Cementos Lemona, Gea Ibérica, etab.). Manifestazinoa 18:30etan hasiko da Incoesatik, datorren zapatuan, eta Alfusetik pasatu ostean, Bediako plazan amaituko da.

Mani BEDIA  KARTELA

Gaur prentsaurrekoa egin dabe Bilbon Alfus eta Incoesako enpresa komiteek. Euren egoera larriaren barri emon eta mobilizazinorako deia egin dabe.

20130603 Alfus-Incoesa agerraldia

Jarraian, enpresa komite bakotxak egin dauan irakurketa:

INCOESAko enpresa-batzordeak planto egiten dio inposatu nahi dieten lekualdatzeari eta herritarrei dei egiten die Bedia eta Arratian enpleguaren alde mobilizatzeko

INCOESAko langileak gara eta maiatzaren 27az geroztik mugagabeko greban gaude. INCOESA Bedian dago eta transformadore elektrikoak egiten dituen enpresa da.

Maiatzaren 16an enpresak INCOESA itxi behar zuela eta, eskulan zuzenean diharduten langile guztien (50 bat langile) lekualdatze kolektiboa, eta horrekin batera soldata jaitsiera izango genuela adierazi zigun. Langile gehienak Cáceresera eta gutxi batzuk Soriara bidali nahi gaituzte. Soldataren murrizketa, kasu batzuetan, %50ekoa da.

ETESA eta OLVEGA dira Extremadura eta Soriako enpresen izenak, eta Bediako INCOESAKO irabaziei esker sortu dira. Enpresaren zuzendaritzak esanda, hango enpresetan 20 milioi euro inbertitu dira, Bediakoan, ordea ez da inolako inbertsiorik egin. Lan egiten dugun fabrika deskapitalizatuz joan dira eta orain gure lana kendu nahi digute.

Lanean ari garenotatik bi heren baino gehiago 30 urte baino gehiagoz aritu gara lanean enpresa honetan, batzuk sortu zenetik. Gure bizimodua, gure bizi-proiektua hemen dago, Bizkaian.

Enpresaren jabea den Higinio Arteta eta bere familia euskal enpresari nabarmenak dira. Higinio FVEM-eko lehendakaria izan da eta orain dela gutxi saritua izan da bere enpresa-lanagatik. INCOESAko langileok galdetu nahi genioke CEBEK-i eta euskal patronalari ea jokabide hau ote den euskal produkzio-sarea babesteko modua. Gure ustez, haien irabaziak baino ez dituzte defendatu. Bestalde, euskal enpresariek egindako deslokalizazioaren inguruko Eusko Jaurlaritzaren iritzia ere ezagutu nahi genuke.

Maiatzaren 31n bukatu zen kontsulta-epea. Enpresak epea luzatu du INCOESAko langileek  lekualdatze kolektiboaren eta soldata jaitsieraren aurrean hartutako jarrerarengatik.

Jendaurrean adierazi nahi dugu Bedian lan egiten jarraitu nahi dugula. Arratian dago gure lanbidea, gure bizitza, eta horren alde borrokatuko dugu. Enpresari adierazi diogun moduan planto kolektiboa egin dugu, ez dugu hemendik alde egingo. INCOESAren aurrean akanpatuta gaude 24 orduz, enpresako arduradunak gurekin batera INCOESAk Bedian jarrai dezan bidea aurkitu arte.

Gure lana eta Arratiako enpleguaren aldeko apustua egin dugu, eta gizarteari, Arratiako lagunei bereziki, ekainaren 8an arratsaldeko 18:30etan INCOESAko ateetan hasiko den manifestaldira etor zaitezten eskatzen dizuegu.

Alfusekoen irakurketa:

ALFUS FCC ÁMBITOko enpresa-batzordeak borroka eta mobilizaziorako dia egiten du zuzendaritzaren inposaketen aurrean

 ALFUS FCC ÁMBITOko langileok apirilaren 29tik 72 egun daramatzagu greba mugagabean Gainera, maiatzaren 7an LABeko delegatu batek eta ELAko beste batek enpresako bulegoetan itxialdia hasi zuten, eta bertan 27 egun daramatzate. Ekintza hau, enpresak, inposaketaren ordez elkarrizketaren bidea har dezan eraman da aurrera.

Gertatzen dena ulertzeko, lau puntu hartu behar dira kontuan:

Egoera honen erantzukizun osoa ALFUS FCC ÁMBITOko Zuzendaritzarena da. 2012ko uztailean enpresak hitzarmen kolektiboaren negoziazioa hasteko konpromisoa hartu zuen baina hilabeteak pasatu dira inongo elkarrizketarik gabe. Elkarrizketatu nahi ez honek, enpresaren ekoizpena hobetzeko funtsezkotzat jo diren hainbat alderdiren inguruan akordiorik ez lortzea ekarri du. Erantzunkizuna enpresarena da. Zuzendaritza gabeko enpresa bat da: lantokiko gerenteak ez dira gai izan etorkizunerako bideragarria den ekimenik martxan jartzen.

ALFUS FCC ÁMBITOko langileak eraso honi modu eredugarri baten erantzuten ari gara. Jarrera honekin jarraituko dugu enpresa gurekin beste termino batzuetan hitz egitera eseri arte. Enpresan lankide bi itxialdian daude, enpresari egoera larri honen aurrean irtenbide bat bila dezan exijitzeko eta guk, 24 orduko txandak egiten ditugu enpresaren sarreran.

Guk borrokan jarraituko dugu, ez digutelako beste aukerarik uzten. Borroka luze baterako prest gaude.

Proposamen bat helarazi diogu idatziz FCC AMBITO-ko zuzendaritzari. Proposamen horretan enpresaren bideragarritasunari irtenbideak ematen dizkiogu 16 langile kaleratu behar izan gabe. Guk ALFUSen alde apustu egiten dugu eta gure negoziaziorako borondatea zuzendaritzaren mahai gainean dago.

Enpresak ostiralean, maiatzaren 31an, aurrera eraman zituen kaleratzeak. Honek ez du gure negoziaziorako borondatea aldatzen, baina kaleratzeak barne hartzen dituen akordio batera helduko ez garela jakinarazi nahi dugu.

Argi daukagu zein inposaketa testuingurutan aurkitzen garen. Enpresarioei Madrilgo erreformek, kaleratzeak, soldata murrizketak, jardunaldi igoerak… inposatzeko tresna guztiak eman dizkiete. Patronala, euskalduna zein espainola izan, bere eskura dagoen guztia erabiltzen ari da bere irabaziak handitzeko. Arratian gertatzen ari dena honen guztiaren adibide bat da. Guk gure etorkizuna Arratian defendatuko dugu eta larunbatean, ekainaren 8an, Bedia osoa zeharkatuko duen manifestaziora gonbidatzen zaituztegu.

Advertisements

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Google+ photo

You are commenting using your Google+ account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

w

Connecting to %s